A ALIMENTACIÓN, CLAVE PARA O CRECEMENTO DOS NENOS/AS.

Durante esta etapa, a alimentación é a clave para o crecemento dos nenos/as. Dende o almorzo, que é a primeira comida do día, e por iso a máis importante, ata a cena. En total, é aconsellable que realicen 5 inxestas.

A froita, verdura, lácteos, ademáis dunha boa hidratación nunca poden faltar na súa dieta. Será importante variar as formas e texturas nos seus menús, seguro que o aprecian, e que o aporte que reciben sexa proporcional ao exercicio físico que realizan.

A IMPORTANCIA DO SONO INFANTIL

O sono infantil refírese ao periodo diurno ou nocturno durante o cal os nenos/as descansan, asimilan e organizan o visto e aprendido, maduran física e psíquicamente, e inician e exercitan a súa independencia do mundo exterior e dos seus pais, por un tempo que é variable según a súa idade e conducta.

O sono é importante porque ten unha función reguladora e reparadora no organismo. É esencial para o control da enrxía e a temperatura corporal. o sono reabastece e restaura os procesos corporais que se dañaron duante o día.

O sono consta de dúas fases:

- REM: sono de movementos oculares rápidos, fase activa do sono, na que o cerebro permanece activo, e tamén a máis corta.

- NON REM: é a fase máis tranquila e profunda do sono, e tamén a máis larga.

FESTA DE NADAL

Os nenos/as de educación infantil despediron o trimestre  coa celebración dunha festa de nadal na que puideron degustar productos típicos destas datas, desfrutaron dunha sesión de maxia e recibiron a visita de Papá Noel.

XOGUETES AXEITADOS PARA NENOS/AS DE 3-4 ANOS

O mercado ofrece infinidade de xoguetes para os nenos/as de 3-4 anos.Por tanto, é importante estar ben informados, saber cales son os máis axeitados para que os máis pequenos poidan aprender ó mesmo tempo que xogan e se entreteñen.

Entre os 3 e 5 anos a repatición no xogo para os nenos/as supón gozar e aprender. De este xeito van desenvolvendo e adquirindo habilidades e destrezas moi útiles no seu día a día.

Ademáis nesta etapa de recreación, os xoguetes axúdanlles a imitar e entender o mundo que os rodea, comportarse e desenvolverse na casa coa familia, na escola e na rúa.

Tamén mediante a imitación desenvolven as súas habilidades sociais e comezan a construír a súa personalidade e a desenvolver a súa faceta relacional.

É unha etapa na que necesitan afianzar a súa autoestima, superando retos, pero tamén necesitan que os demáis vexamos e aplaudamos os seus éxitos.

É por iso polo que se interesan polos xoguetes sinxelos, xoguetes que lles permitan comezar e rematar rápido para ver un éxito inmediato. Así farano unha e outra vez logrando unha perfecta aprendizaxe.

Xoguetes cos que facer representacións do mundo adulto, inventar historias ou recrear situacións cotiás son os que máis éxito teñen entre os nenos/as destas idades.

Tamén lles gustan os xoguetes para imaxinar e aprender, para construír, para moverse e desenvolver o seu aparato motor, para representar e imitar, para expresarse,...

REQUISITOS QUE DEBE CUMPRIR UN BO XOGUETE

Nestas datas de agasallos é importante que, papás/mamás e familiares dos nosos nenos/as, teñades en conta os requisitos que debe cumprir un bo xoguete:
- Debe adaptarse ós gustos e necesidades do neno/a.
- Debe ser axeitado á idade do neno/a e ao seu nivel madurativo.
- Deben ser de tipoloxía variada, así poden aprender máis.
- Debe ter un valor lúdico. Os xoguetes son para que o neno/a aprenda divertíndose.
- Debe ser sólido y duradeiro.
- Debe ser seguro. Os xoguetes que cumpren a normativa de seguridade vixente levan impresa a CE no envase.
- Debe ser elexido sen facer distincións en canto a sexo.
- É recomendable evitar as referencias a temas bélicos.

BELÉN VIVINTE

Un dos mellores xeitos de celebrar o Nadal é vivilo por iso os nenos/as de Educación Infantil participaron nunha representación dun Belén Vivinte amenizado polas panxoliñas dun fantástico coro.

A IMPORTANCIA DO XOGO

O neno/a xoga en todas as culturas. O xogo é a actividade por excelencia . É un instrumento educativo natural, voluntario, gratuíto e espontáneo.

Cando nace, o neno/a descubre o mundo a partir dos seus sentidos. Primeiro xoga co seu propio corpo, as súas mans,... para pasar a descubrir e xogo cos elementos que teña máis cercanos. Pouco a pouco vai controlando o seu corpo, a súa forza, o seu equilibrio,... 

O xogo adoptará despois un papel fundamental na adquisición e o desenrolo das súas diferentes habilidades cognitivas e emocionais, así como na súa socialización, aprendizaxes que son tan importantes como o aprendizaxe escolar.

Pero non sólo o xogo é beneficioso para o neno/a, se non que tamén pode ser unha ferramenta perfecta para a demostración das emocións dentro da familia.

PANXOLIÑAS NO NADAL

Unha das tradicións máis populares no nadal e o canto de panxoliñas por iso nesta unidade damos a coñecer aos nenos/as un dos instrumentos fundamentais no canto de panxoliñas como é a pandeireta e que, deste xeito, aprendan a recoñecer o son producido pola mesma.

INICIÁMONOS NO CONTROL DO RATO

Para conseguir un manexo correcto do rato os nenos/as foron salindo para  realizar determindas accións motivadoras como foi, nesta ocasión, facer "click" na mascota da cor elexida.

APRENDEMOS EDUCACIÓN VIAL

É importante, ir concienciando aos nenos/as, xa dende moi pequenos/as, da gran importancia que ten aprender educación vial: as regras que deben respetar como peatóns, como conductores,...

Nesta ocasiòn aprendemos o funcionamento do semáforo dos peatóns a través do xogo e elaborando o noso propio semáforo.