O OUTONO E O MAGOSTO

Estes días, estivemos traballando na clase aspectos relacionados coa estación do magosto: fixemos que eramos chuvia, que eramos vento, que eramos árbores movidos polo vento... e por suposto, que se nos caían as nosas follas. Por iso, estivemos pintando unhas follas coa cor do outono para decorar a nosa clase....

Pero ademais, imos celebrar o magosto co resto de compañeiros de 4 e 5 anos. Así que, para comer esas castañas tan ricas que nos van traer os pais e nais da ANPA, fixemos un cucurucho que imos levar para a casa, e que podemos usar cando comamos máis castañas cos pais e nais, cos avós, cos tíos, cos primos....

E saímos no Progreso!!!

Así que, xa sabedes, a rica castaña!!!!!!

Celebramos o Samaín

O prometido é deuda!! 

A nosa sorpresa para os pais e nais de 3 anos foi aparecer o xoves cunha careta de cabaza!! Qué susto levou algún papa e algunha mamá ó vernos saír da clase!!!
Durante a semana estivemos pintando a cabaza cun rodillo e pintura laranxa que deixamos secar durante un día...

Despois puxémoslle unha sonrisa de plastilina negra para que quedara máis terrorífica, e tamén un pelo verde con papel pinocho en forma de lazo...

Na hora da merenda, probamos os Dedos de Bruxa do noso compañeiro Lucas, que eran unha delicia!! Grazas a Lucas e familia por compartilos con nós... qué bos estaban!

Antes de ir para casa, saímos ó patio cuberto a mirar a exposición de manualidades de Samaín que se fixo no cole... alí puidemos ver as manualidades que trouxemos da casa e as cousiñas que outros nenos e nenas maiores fixeron... E aproveitamos para facer unha foto, claro!

 De volta na aula, esperamos a que chegaran todas as familias, para saír asustando ós pais e nais, e levamos un diploma e uns caramelos que nos regalou a ANPA...

En definitiva, pasámolo terroríficamente ben!! 

O DÍA A DÍA NA ESCOLA....

Despois de casi dous meses de cole (como pasa o tempo, verdade?), os máis peques do Cervantes avanzan a pasos axigantados... moitos e moitas xa se poñen e quitan o mandilón soíños, abotoándose coma verdadeiros chicos e chicas maiores....

Ademáis, cada día traballamos un pouquiño mellor; os debuxos que facemos van quedando máis bonitos porque aprendemos a coller a cera correctamente, a non saírnos do debuxo, facendo raias pequenas... E sobre todo, mirando o que facemos!!

O de facer o tren para saír ó patio está controlado! Cústanos un pouco máis facelo para voltar a clase, pero seguro que dentro de pouco xa nos sairá xenial! E como vedes, xa nos sentamos todos xuntiños na alfombra a cantar cancións, ver contos...

En definitiva, estes pequenos e pequenos e pequenas están moi adaptados á rutina diaria, a cumprir as normas, a traballar... Ás veces esquécesenos algo, pero estamos aprendendo e é lóxico que de vez en cando nos teñan que recordar algunha cousiña....

Así que nenos e nenas, pais e nais, a seguir así, cada día mellor e mellor, traballando no cole e na casa para que estes peques aprendan e melloren cada día máis, porque ése é o xeito de crecer.

Aaah.. e atentos ó blogue que en breves chega o Samaín... e temos unha sorpresa familias!!! Que será? Truco ou trato?? Pronto o veredes...