CHEGOU O ENTROIDO!

E celebrarémolo así:

- Xoves 27 de Febreiro(pola mañá): "FESTA DE ENTROIDO",con degustación de produtos típicos destas datas.

Cada neno/a deberá traer 2 ou 3 produtos típicos destas datas(orellas,rosquillas,filloas,...) para degustar na aula.

-Xoves 27 de Febreiro (pola tarde, DE 16.30 A 18:00): "BAILE DE ENTROIDO" e "CHOCOLATADA".

Cada neno/a deberá vir caracterizado ou disfrazado da súa casa.

-Venres 28 de Febreiro(pola mañá, de 12:45 a 14:00 h.): "DESFILE DE ENTROIDO".

Desfile dos nenos/as,por aulas, con traxes elaborados con axuda dos seus mestres.

EMOTIVA DESPEDIDA DA "PROFE Mª LUZ"!

Esta semana despedímonos da mestra Mª Luz.

Despois de moitos anos de traballo dedicados á docencia, compartindo a súa sabiduría, o seu cariño, a súa paciencia e a súa dedicación... chegou o momento de comezar unha nova etapa... na que todos desexamos que sexas MOI MOI FELIZ.

Pero esta despedida será un "ata pronto" pois esperamos  que pronto veñas a visitarnos.

Ata sempre "profe Mª Luz"!

"REILUSIONÁMONOS" CO "MAGO RAFA"!

O pasado venres recibimos a visita dun gran mago da nosa cidade, o"Mago Rafa".

O "Mago Rafa" deleitounos cuns xogos de maxia para promocionar o seu novo espectáculo que estrenará o próximo Domingo 23 de Febreiro,ás 18:00 h. no auditorio Gustavo Freire.

Depois de ver as cariñas dos peques durante a súa actuación...estamos seguros que "ReilusionArte" será todo un éxito!

NORABOA e MOITAS GRAZAS pola túa visita!

VISITOUNOS UN CONTACONTOS!

Iago lópez visitounos para deleitarnos cunha sesión de contacontos.

Nesta ocasión contounos a historia de "O aprendiz de home do saco", de Antonio Reigosa.

Ao longo de toda a sesión Iago fíxonos partícipes, en todo momento, deste conto.

SORPRESAS PARA O NOSO "RECUNCHO DO FONDO DO MAR"!

Os nosos compañeiros/as da actividade de "Globoflexia" e o seu mestre Alberto agasalláronnos con diferentes figuriñas de globos relacionadas co fondo do mar para o noso recuncho.

Moitas grazas!

CELEBRAMOS O DÍA "DA PAZ" NA NOSA AULA

O pasado xoves, 30 de Xaneiro, celebramos o "DÍA DA PAZ".

Comezamos falando das letras que forman esta palabra tan bonita(PAZ) e despois falamos do seu significado...

Máis tarde decoramos a nosa "Pomba da paz" 

e cantamos e bailamos cancións sobre a PAZ...

VISITAMOS O "ACUARIUM FINISTERRAE" e o PLANETARIO!

O pasado venres visitamos o Acuarium finisterrae para sumerxernos no Atlántico...

De camiño ao Aquarium Finisterrae tamén tivemos a oportunidade de ver o histórico faro da cidade, a Torre de Hércules. 

No Acuarium tivemos a oportunidade de  sumerxernos no Nautilus, un submarino de cristal, no que puidemos observar miles de peixes de 50 especies diferentes(quenllas, aguias marinas,...) que nadaban ao noso arredor.

Alí chamounos a atención Gastón, unha quenlla touro.

Tamén puidemos ver como os coidadores do acuarium lle daban de comer ás focas...

 e na sala maremagnun puidemos ver ...

estrelas de mar...

cabaliños de mar...

medusas,...e moitas especies marinas máis...

Despois de xantar tamén puidemos visitar o Planetario, na CASA DAS CIENCIAS, no que puidemos asistir a sesión de "La niña que sabía caminar al revés", a través da cal puidemos coñecer un pouquiño máis o Universo, visto boca abaixo a través dos ollos dunha nena.

Despois dun día moi longo, e cargado de sorpresas, chegamos moi cansadiños pero o máis importante é que o pasamos moi ben.

CONTINUAMOS TRABALLANDO AS MATEMÁTICAS...

Ao longo deste 2º Trimestre...

traballaremos os seguintes aspectos matemáticos:

- Cardinais 1 e 2.

-Nocións básicas de medida: grande-pequeno,longo-curto.

Propiedades de obxectos:igual-distinto.

Cuantificadores básicos: máis que.

-Nocións espaciais básicas: arriba-abaixo.

-Iniciación á seriación.

-Iniciación á lectura de etiquetas.

-iniciación ao razonamento lóxico.

entre outros...

EXPLORANDO O FONDO DO MAR...

Os nosos pequenos exploradores do fondo do mar elaboraron os seus propios peixes...

MÁIS COUSÑAS SOBRE O MAR...

Carla e Adriana trouxéronnos  pequenos animaliños do fondo do mar e dous contos sobre os animais que viven no fondo do mar que ensinaron aos seus compañeiros/as...